KOLETA: Uchawi Umetawala Katika Filamu

Msanii wa filamu za Kibongo, Coletha Raymond ‘Koleta’ amefunguka kuwa, tasnia ya filamu imetawaliwa na uchawi na kusisitiza kuwa itakuwa vigumu kwa baadhi ya wasanii kung’ara katika kazi hiyo.

Koleta alisema kwa sababu uchawi hauna ushahidi si rahisi kutamka hadharani lakini yeye anathubutu kusema ukweli kuhusu jambo hilo.

“Wengi wanaogopa kusutwa lakini lisemwalo lipo na kama halipo laja, suala la uchawi katika tasnia ya filamu lipo wala watu wasikatae, unakuta msanii anajua kuigiza lakini akipewa nafasi ya kufanya hivyo haonekani anafichwa,” anasema Koleta.

Msanii huyo anawataja baadhi ya wasanii ( majina tunayahifadhi) ambao hadi sasa wana uwezo mkubwa katika kuigiza lakini hawatambi na hawana hamu ya kuigiza tena kutokana na kufanyiwa mchezo mchafu.

“Kwanza hawapewi nafasi pamoja na uwezo wao mkubwa, wanaopewa nafasi ni wale waliojiweka sawa,” alisema Koleta na kuwataka wasanii kuwa makini katika tasnia hiyo.