DAVINA: NATESEKA KUZUIWA KUMUONA MWANANGU

Stori: IMELDA MTEMA
STAA wa filamu Bongo, Halima Yahaya ‘Davina’ amefunguka kuwa yuko katika mateso makali baada ya kuzuiwa kumuona mwanaye kwa takriban miezi mitatu na mzazi mwenzake.

Staa wa filamu Bongo, Halima Yahaya ‘Davina.

Akizungumza na mwandishi wetu, Davina alisema kabla hajaingia kwenye ndoa yake ya sasa, alizaa mtoto mmoja na mwanaume ambaye ni dairekta mkubwa wa filamu nchini lakini mwanaume huyo alimchukua mtoto tangu akiwa na miaka miwili hadi sasa ana miaka mitano kila akiomba kumuona mwanaye, hapewi ushirikiano.
“Hakuna kitu kinachouma kama mtu kunikataza kuiona damu yangu, nimebeba mimba kwa miezi tisa halafu mwanangu hataki nimuone, nashindwa kumuelewa sijui ni kosa gani kubwa nimefanya hadi nistahili adhabu hii,” alisema Davina.